Tu pipol i bin tekemaot laef blong tufala long Penama provins long yestete.
Polis Kommanda North, George Songi i konfemem wan 18-year-old woman, Stephanie Butu, hemia long aelan blong Ambae mo 26-year-old man, Anderson Lui, hemia long Maewo oli tekemaot laef blong hem wan.
Hemi i talem se hemia long Ambae hemi hangem nek blong hem from famili treatment.
Kommanda Songi i talem se report we hemi kasem long ol polis long Penama se yang woman ia hemi no hapi long hao famili blong hem i treatem hem.
Yang woman ia hemi stap long yia 9 long Saint Patrick’s College long Ambae mo hemi bin rao wetem big sista blong hem long Tuesdei moning.
Hemi bin stap nomo long aos taem famili blong hem i go out, mo long taem ia nao hemi hangem hem long room we hemi stap silip long hem.
Polis i talem tu se man blong Maewo hemi bin gat raorao wetem woman blong hem long Krismas naet.
Mo long yestete nama 26 Desemba hemi hangem hem wan, taem famili blong hem i bin out blong go long karen.
Boy ia hemi lego behind wife, mo tri pikinini blong hem.
Tugeta viktim blong suicide ia bai oli berem tufala long tedei.
Long fes report we mifala i postem se viktim lo Ambae ia hemi 14-year-old. Mbe hemi 18-year-old mo hemi bin expektem birthday celebration blo hem yestete 26 December mbe i no bin happen.