Aot long everi Provins, Sanma hemi rikodem hae namba blong ol pikinini we oli kasem HPV vaksin long taem blong lonjing long wik ya.
Ova 100 yangfala gel oli kasem stik meresin long lonjing blong HPV vaksinesen rolaot long Sanma Provins.
Sanma Provins hemi gat wan total blong 4,512 pikinini gel everiwan we oli eligibol blong kasem vaksin blong HPV long yia ia mo nekis yia, hemi minim se namba ia hemi olgeta we eij blong olgeta hemi 9-14 yia.
Vanuatu hemi stap fesem wan dabol beden long ol disis we emi inkludum komunikebol disis mo non-komunikebol disis (inkludum Kansa).
Sevaekol Kansa emi wan long ol kansa weh yumi saveh priventem.
Long Vanuatu, Sevaekol Kansa emi seken mos komon kansa we I afektem ol woman, wetem 21 niu cases (17.0 per 100,000 woman) mo 13 ded (10.6 per 100,000 woman) tru long wan ripot long 2018.
Tritmen blong kansa emi expensiv insaed mo aotsaed long kaontri mo avelabiliti blong ol teknoloji weh i rikwae wetem ol sevis oli no avelebol long Vanuatu. Taswe, priventiv stratejik aproj oli most- cost efektiv respons tuwods helt problem ia wetem vaksinesen blong ol yang gel.
Pepes blong bigfala pablik helt response long Sevaekel Kansa emi blong provaedem praemeri privensen tru long wan kodineted helt sistem response blong impruvum saplae mo kwaliti blong sevis weh i helpem blong minimaes namba blong ol woman weh oli nidim blong risivim tertiteri o advans tritmen.
Ol gol blong Helt long Vanuatu emi ailanem gud wetem ol gols blong WHO Globol Strateji blong eliminesen blong sevaekel kansa olsem wan pablik helt problem. Mo Mini Lonj ia blong HPV rolaot emi demonstretem komitmen blong Vanuatu long privensen blong sevaekel kansa disis long ol woman from proteksen blong ol gel tru long vaksinesen blong HPV.
Secretary General long Sanma Provins, Albert Ruddley, representatif long Sanma Edukesen ofis, Ol wod Secretaries long Luganville, ol jifs, ol Gavman rep mo ol NGOs oli bin pat blong impoten iven.
